Autor: Tefik Salihu

Me t’u përmirësuar moti, po planifikohet të rregullohen edhe Varrezat e Vjetra, që gjenden përreth rrugës kryesore të Smirës, përkatësisht vendosja e rrethojave të reja, me themele betoni. Sipas organizatorëve, kjo është vazhdimësi e aksionit për rehabilitimin e Varrezave në Bjeshkollavë dhe hapësirës publike përreth, që u bë gjatë verës së kaluar. Organizatorët thanë se janë motivuar shumë, nga puna e mirë që që është bërë në pastrimin, rregullimin dhe rrafshimin e pjesës jashtë varrezave. Ata kanë falënderuar të gjithë ata që kanë kontribuar në forma të ndryshme, për të ndryshuar komplet ajo pjesë. Sipas tyre, ka premtime nga autoritetet…

Ka ndërruar jetë në moshën 83 vjeçare, në Shkup, Haxhi Muhamed (Metush) Fejzullahu. Varrimi do të bëhet sot, më 24 dhjetor 2020. Funerali do të niset nga Xhamia e Bedrit, pas me namazit të ikindisë, kurse varrimi do të bëhet në Varrezat e Butelit. Ngushëllime familjes Fejzullahu në Shkup, Smirë e vende tjera.

Ka ndërruar jetë në Shkup, nê moshën 72 vjeçare, Hasie Ahmeti (gruaja e Haxhi Ali Ahmetit). Funerali do të niset nesër, më 22 dhjetor 2020, pas faljes së drekës, nga Xhamia e Jahja Pashës. Kurse, varrimi do të bëhet në Varrezat e Bllacës. Të pame nuk do të ketë, për shkak të Pandemisë. Ngushëllime familjes Ahmeti në Shkup, Smirë, e diasporë dhe të afërmve të ndjerës!

Shtatëmbëdhjetëvjeçari Andi Salihu, nga Smira, ka debutuar sot në ekipin e parë në FC “Prishtina”, në ndeshjen kundër ekipit “Kosova VR” në 1/16 e Finales së Kupës së Kosovës. Babai i tij, Afrim Salihu, në një postim në Facebook, ka falënderuar trajnerët që kanë punuar me të, që nga fillimi: Fatos Ademi, Leutrim Krasniqi, Debatik Curri e kryetrajnerin Zekirja Ramadani. Andi, karrierën e ka nisur në moshën 8-vjeçare, në Shkollën e futbollit “Dinamo” në Ferizaj, për të vazhduar më pas në FC “Prishtina” tek moshat e reja.

Ka ndërruar jetë në moshën 72 vjeçare, Haxhi Muhabi Halili. Varrimi do të bëhet nesêr më 8 dhjetor 2020, nga ora 14:00, në Smirë. Ngushëllime familjes Halili dhe të afërmve të ndjerit!

Mërgimtari Ramadan Rrahmani, me qëndrim në Gjenevë, ditëlindjen e tij të 50-të ka dashur ta shënojë në mënyrë të veçantë. Ai simbolikisht, ka ndarë 50 pako ushqimore me produkte mishi nga ndërmarrja “Eco produkt”-40 pako në Smirë dhe 10 në lokalitete tjera. Këshilli i fshatit ka shprehur mirënjohje për këtë përkushtim të familjes Rrahmani.

Metush Misini, me qëndrim në Gjenevë, e  ka zëvendësuar sërish flamurin kombëtar në qendër të Smirës. Ai tha se këtë e bëri në shenjë respekti për  festën e madhe të 28 Nëntorit. Metushi edhe vitin e kaluar kishte vendosur flamur të ri kombëtar në qendër të fshatit, në prag të përvjetorit të rënies së dëshmorëve të 5 prillit të vitit 1999.

Ka ndërruar jetë në moshën 76 vjeçare Shefqet Ferizaj. Ceremonia e varrimit do të bëhet të enjten, më 26 nëntor 2020, nga ora 11:00, në qytetin e Kavajës. Familja ka shkruar se i mirëkupton të gjithë miqtë e dashamirët për situatën në të cilën ndodhemi. Ngushëllime fsmiljes Ferizaj në Smirë, Kavajë dhe diasporë!

Ka ndërruar jetë në moshën 87 vjeçare Elfete Haxhiu-Salihu (gruaja e Sabri Salihut). Varrimi do të bëhet nesër, më 23 nëntor 2020, në Smirë, sipas rekomandimeve te Institutit të Shëndetit Publik, vetëm nga anëtarë të familjes. Kurse nuk do të mund të hapet, as e pame. Ngushëllime familjes Haxhiu dhe Salihu si dhe të afërmve të ndjerës!

Ka ndërruar jetë në moshën 76 vjeçare Hava Sejdiu (gruaja e Fehmi Sejdiut). Varrimi do të bëhet sot, më 18 nëntor 2020, nga ora 15:00, në Smirë. Ngushëllime familjes Sejdiu dhe të afërmve të ndjerës!