Ajo bashkë me disa mërgimtarë edhe nga vende të tjera kanë lansuar fushatën “Njëri për tjetrin”, për mbështetjen e familjeve që nuk që ndrojnë financiarisht mirë në Kosovë .
Ajo duke folur për “Alb TV” ka thënë se së pari idenë e ka biseduar me Enis Hysenin se si mund të ndihmojnë në Kosovë . Pastaj atyre i janë bashkuar edhe Saranda Hajdari, Rina Rama, Jeta Berisha etj.
“Në fillim po mendojmë si t’ju ndihmojmë familjeve me pako mujore ushqimore dhe higjienie si dhe barna. Është fjala për artikuj bazik për jetë . Ne i lidhim donatorët me rastet sociale. Pra, i postojmë në rrjetet sociale rastet anonime që kanë nevojë , pastaj donatorët paraqiten për mbështetje. Ne ia japim adresen donatorit. Ai e bën porosinë për familjen. Ne nuk mbajmë të holla as nuk marrim këtë përgjegjësi, por vetëm ndermjetësojmë në këtë raport solidariteti midis donatorit dhe rastit në nevojë. Ne jemi vullnetarë nuk perfitojmë asgjë “, ka thënë Kaltrina.
Sipas saj, deri tani për tri javë kanë ndihmuar 370 familje me pako me vlerë mbi 30.000 euro.
Kaltrina Ademi thotë se në të ardhmen
planifikojnë të krijojnë një platformë afatgjate, pra një version të digjitalizuar, në Prishtinë. Kjo do t’ju mundësojë donatorëvë që të gjejnë aty rastet në nevojë dhe po aty të blejnë në e-commerce gjëra që i porosisin për familjet në nevojë. Kaltrinës për krijimin e platformës digjitale iu kanë bashkangjit edhe emra të njohur të biznesit dhe teknologjisë sikurse: Mëtgim Cahani dhe Bleron Baraliu, Ermal Sadiku dhe profesionist tjerë kosovarë, sikurse Blerta Leci dhe Partin Pruthi.
Përndryshe familja e Kaltrina Ademit, në vitin 1992, kur ajo ishte 3 vjeçare ka migruar në Gjermani. Aty ka mbaruar shkollën e mesme kurse qe disa vite jeton dhe punon në Londër, ku ka studiuar nivelin Bachelor në Media dhe Komunikim dhe pastaj nivelin Master në Politikat ekonomike. Tash punon në menaxhment, udhëheq lidhjet biznesore dhe partneritetet në Evropën Qendrore, Kinë dhe Afrikë të ajugut për një kompani amerikane teknologjike.
