Gjatë 48 orëve të fundit, mbi 100 shtetas kosovarë të pajisur me këto pasaporta nuk janë lejuar të kalojnë kufirin shtetëror përmes portit të Durrësit. Ndërprerja e detyruar e udhëtimit është konsideruar e papritur dhe arbitrare nga ana e shtetasve të Kosovës, pasi me të njëjtën pasaportë kanë kaluar kufirin shqiptaro-malazez e më pas kanë udhëtuar nëpër Kroaci, Hungari, Slloveni e vende të tjera të Evropës pa probleme.
Krejt kjo ka ardhur pasi MPJ-ja shqiptare, përmes Drejtorisë së Policisë së Shtetit ka njoftuar drejtoritë e kufirit për kërkesën e përcjellë nga Ambasada e Serbisë në Tiranë, e cila njofton se në bazë të ligjit serb mbi dokumentet e udhëtimit të modelit të ish-Jugosllavisë, vlefshmëria e tyre kishte skaduar më 31 dhjetor 2010. /koha.net/
