”Manifestimi tradicional Flakadani Karadakut paraqet ngjarjen më të madhe kulturore e sportive në komunën e Vitisë dhe komuna jonë është e njohur me këtë manifestim mbarëkombëtar. Andaj, me rastin e jubileut, përkatësisht 10 vjetorit të mbajtjes së këtij manifestimi, kuvendi komunal ka miratuar propozimin tonë që të zyrtarizohet, ka thënë Demiri.
Manifestimi tradicional kulturor e sportiv Flakadani i Karadakut që mbahet nga 20 deri më 26 mars, personifikon figurën e dëshmorit të kombit Njazi Azemi-komandant Mjekrra i cili ra heroikisht në Stanec të Preshevës. Sivjet në 10-vjetorin e këtij manifestimi do të organizohen gara të recitatorëve, ora e madhe letrare, gara sportive dhe festivali gjithëkombëtar i Ansambleve dhe shoqërive kulturo-artistike nga Kosova, Maqedonia, Shqipëria dhe Presheva. /kk.rks-gov.net/viti/
