Me rastin e shenjtërimit të Nënës Terezë, Komuna e Vitisë, respektivisht Drejtoria për Kulturë, Rini e Sport, organizon disa aktivitete kulturore e sportive. Me këtë rast, për koordinim të këtyre aktiviteteve që mbahen në kuadër të kësaj ngjarje të shwnuar pwr kombin shqiptar, kryetari i Komunës së Vitisë Sokol Haliti ka patur një takim me udhëheqësit e kishave katolike në komunën e Vitisë, famullitarin e kishës katolike në Binçë Don Aleksandër Kola, Dom Marjani nga shenjtorja e Letnicës dhe Don Albert Jakaj nga famullia e Stubllës. Në këtë takim, u diskutua agjenda e paraparë e ngjarjeve që do të zhvillohen në datat 3 e 4 shtator, si dhe aktivitetet përmbyllëse më 24 shtator dhe 24 tetor. Ngjarja e parë që do të zhvillohet të shtunën me 3 shtator është “Marshi i Paqes’ që do të mbahet nga çiklistët duke përshkuar rrugën Letnicë-Viti. Kjo do të filloj nga ora 10:00. Çiklistët do të nisen nga Letnica, që simbolizon edhe rrugëtimin nga shenjtorja e Letnicës prej nga u nis Nëna Terezë drejt misionit të paqes nëpër botë. Ndërkohë të dielën më 4 shtator në sallën e kinemasë në Viti, do të bëhet transmetimi i drejtpërdrejtë i ceremonisë nga Vatikani i shenjtërimit të Nënës Terezë, për të vazhduar pasdite me shfaqjen e një filmi dokumentar kushtuar Gonxhe Bojaxhiut –Nëna Terezë.
Related Posts
