I riu A. Rexhepi nga Mogilla humbi jetën në aksident trafiku

A. Rexhepi rreth 24 vjet nga fshati Mogillë ka humbur jetën, kurse tre persona të tjerë janë lënduar mbrëmë, në një aksident rrugor në magjistralen Prishtinë-Ferizaj. Burimet e Policisë Rajonale të Prishtinës njoftojnë se aksidenti ka ndodhur rreth orës 03:20, në fshatin Llapnasellë, në momentin kur vetura e tipit Ford Fiesta me targa të Republikës së Kosovës, ka humbur kontrollin për shkaqe të panjohura dhe ka goditur mbrojtëset e rrugës, në ndarjen fizike mes dy shiritave të rrugës. A.R ka ndërruar jetë në Qendrën Klinike dhe Universitare të Kosovës, në Prishtinë, ndërkohë që të tre personat e lënduar janë dërguar në QKUK,  për  trajtimi mjekësor. Në mesin e tyre është edhe V.Z nga Smira, por siç është mësuar nga familjarët, ai është lëshuar në shtëpi në gjendje stabile.  Hetuesit e trafikut rajonal po punojnë në zbulimin e rrethanave që kanë sjellë deri te ky aksident me fatalitet.