Grupi i nxënësve të klasave të para të Shkollës së Mesme të Ulët ‘Dëshmorët e 5 Prillit’, nga Smira, ka zënë vendin e parë në vallëzim, në garat komunale të organizuara nga ETC-Viti, për nder të 1 Qershorit-Ditës së Fëmijëve.
Pjesëmarrëse në këto gara ishin edhe Donjeta Pajaziti, nxënëse e klasës VIII me monologun ‘Jam Shqiptar’. Ajo u shpërblye me çmimin performanca më e mirë, kurse në kuizin e diturisë u paraqit Teuta Quni.
Udhëheqja e shkollës ka uruar nxënësit për këtë sukses dhe ka falënderuar mësimdhënësit për angazhimin e tyre si dhe prindërit për bashkëpunimin e mirë me shkollën.
1 Koment
Pershendetje dhe urime nxenes te dashur per rezultatet e arritura. Pershendes edhe mesimdhenesit qe kaq me perkushtim po punojne. Urime