Drejtori komunal i Arsimit Qahil Sinani, përveç që ka paraqitur prej fillimit të mandatit të tij, si prioritet ngritjen e cilësisë në arsim, është shprehur i përkushtuar për të siguruar edhe kushte më të mira për punë dhe mësim. Gjatë një vizite që i bëri Shkollës së Mesme të Ulët ‘Dëshmorët e 5 Prillit’, në Smirë, bashkë me drejtorin e Bujqësisë, Veton Ademi, në përfundim të vendosjes së një pjese të rrethojave të oborrit, drejtori Sinani tha se do të vazhdojë përpjekjet që edhe në të ardhmen të ndihmojë shkollat aq sa ka mundësi dhe mjete. Drejtori i shkollës Xhavit Sahiti i falënderoi insitucionet komunale për mbështetjen që po japin në përmirësimin e kushteve më të mira për mësim-kryetarin e Vitisë, Sokol Halitin që ka ndarë 1000 euro për këtë projekt si dhe Drejtorinë e Arsimit e cila i ka siguruar kangjelat dhe ngjyrën. Ai tha se drejtori Sinani i ka vizituar disa herë gjatë punimeve dhe shfaqi shpresën se pas vendosjes së rrethojave do të ngritet edhe siguria në shkollë. Sahiti i ka shprehur mirënjohjen edhe N.T.P ‘Smira’, që ka ndihmuar me mjete pune dhe material harxhues. Drejtori i Arsimit Qahil Sinani tha se do shikojë mundësinë që të sigurohen edhe kangjelat për pjesën tjetër të rrethojës së vjetër të oborrit të shkollës së Smirës.
