Me inicimin dhe propozimin e e Zyrtarit komunal për Bujqësi, Veton Ademi, GLV ka aplikuar me këtë projekt si më me prioritet në Ministrinë e Bujqësisë dhe ka luajtur rol të rëndësishëm për aprovimin e tij. Poashtu edhe koordinimi për këtë projekt, me ish-kryetarin e fshatit Smirë, Bekim Azizi dhe me mekanizmet e shkollës, ka qenë në nivel.
Kryetarja e GLV-së, Fadile Demelezi, ka thënë se projekti në fjalë ka qenë nevojë e domosdoshme për nxënësat e kësaj shkolle. “Me pëlqimin e bordit të GLV-së “Vitia” kemi marrë miratimin për aplikim në MBPZHR , ku edhe ishim përfitues dhe shpresojmë se edhe në të ardhmën ne do të angazhohemi për projekte të tjera prioritare që do të na paraqiten në zyrën e GLV-së në Viti. Jemi falënderues edhe për përkrahjen e vazhdueshme që na ka bërë Komuna e Vitisë për të gjitha projektet që i kemi realizuar deri tani”, ka thënë Demelezi.
Drejtori i shkollës, Naim Agushi ka falënderuar GLV-në dhe donatorët për këtë projekt shumë të nevojshëm. “Ne kemi pasur sumë nevojë për këtë projekt, sepse kemi pasur vështirësi në realizimin e lëndës së Edukatës Fizike, por edhe gjendja e oborrit ka qenë shumë e rëndë. Ka pasur vazhdimisht baltë. Tashti kjo hapësirë ka marrë pamje krejt tjetër dhe po zhfrytëzohet maksimalisht”, ka thënë Agushi.
Projekti në vlerë 25 mijë euro, është financuar nga Ministria e Bujqësisë, kurse 30% të mjeteve i ka siguruar komuna e Vitisë. Projektin e ka bërë vullnetarisht “Arch Design”, e Mentor Ibishit.
