Veton Ademi është emëruar këshilltar politik i ministrit të Bujqësisë, Pylltarisë dhe Zhvillimit Rural, në Qeverinë e Kosovës, Besian Mustafa.
Këtë e ka bërë të ditur vet Vetoni përmes një statusi në profilin e tij në Facebook.
Ai ka mbaruar Fakultetin e Bujqesisë-Prishtinë, ka bërë Master në fushën e Bujqesisë-Tiranë.
Në periudhën 2009-2012 ka qenë Këshilltar në projektin “Promovimi i Hortikulturës në Kosovë”, të implementuar nga Helvetas Swiss Intercooperation.
Tri vite ka qenë zyrtar për Bujqësi ne K.K Viti dhe së fundmi pesë vite drejtor i Drejtorisë për Bujqësi, Pylltari dhe Zhvillim Rural në Viti.
Në zgjedhjet e fundit parlamentare ishte kandidat për deputet në Kuvendin e Kosovës në listën e LDK-së.
