Agjenda 2030 e OKB-së
Në shtator të vitit 2015, Asambleja e Përgjithshme e Kombeve të Bashkuara u mblodh në Nju Jork për të miratuar “Agjendën 2030 për Zhvillim të Qëndrueshëm”, e cila zëvendëson Objektivat e Zhvillimit të Mijëvjeçarit.
Agjenda 2030 përfshin 17 Objektiva të Zhvillimit të Qëndrueshëm (OZHQ) me një fokus të fortë në qëndrueshmërinë, në lidhje me reduktimin e varfërisë dhe zhvillimin e shoqërisë dhe mbrojtjes së mjedisit.
Zbatimi i objektivave në nivel lokal do të jetë një ndërmarrje e gjerë, intensive dhe e rëndësishme në rrugën drejt arritjes së suksesshme të qëllimeve ambicioze të Agjendës. Aktualisht, komunat anembanë botës po përqafojnë këtë sfidë dhe mësimet se si të zbatojnë agjendën. Sidoqoftë, për zbatimin të suksesshëm lokal të këtyre objektivave globale të zhvillimit të, ato duhet së pari të zbërthehen në nivel lokal të vendit dhe deri të komuna.
Ndryshe, nga sistemet e mëparshme të objektivave ndërkombëtare, Agjenda 2030 zbatohet në të gjitha vendet.
Komunat kanë rol të rëndësishëm në zbatimin me sukses të objektivave ambicioze.
Një nga mjetet më të rëndësishme për arritjen e këtyre qëllimeve është bashkëpunimi zhvillimor, e cila është përshkruar në OZhQ-në 17. Përmes bashkëpunimit, lidhjet kulturore dhe përfitimet ekonomike sjellin përfitim në të gjitha anët.
OKB, agjencitë e OKB-së si dhe organizatat ndërkombëtare dhe ato rajonale, si dhe të gjitha vendet e botës punojnë për të përmbushur OZHQ-të deri në vitin 2030.
17 Objektivat Globale:
OZHQ 1- Pa varfëri
Eliminimi i varfërisë në të gjitha format kudo
OZHQ 2-Zero uri
Eliminimi i urisë, arritja e sigurisë ushqimore dhe përmirësimit të ushqyerjes dhe nxitja e bujqësisë së qëndrueshme.
OZHQ 3- Shëndet i mirë dhe mirëqenie
Sigurimi i jetës së shëndetshme dhe nxitja e mirëqenies për të gjithë njerëzit e çdo moshe.
OZHQ 4-Arsim cilësor
Sigurimi i arsimit cilësor gjithëpërfshirës dhe të drejtë dhe nxitja e mundësive për mësim gjatë gjithë jetës për të gjithë.
OZHQ 5-Barazi gjinore
Arritja e barazisë gjinore dhe fuqizimi i të gjitha grave dhe vajzave
OZHQ 6- Uji i pastër dhe kanalizim
Sigurimi i qasjes dhe administrimit të qëndrueshëm të ujësjellës-kanalizimeve për të gjithë.
OZHQ 7-Energji e përballueshme dhe e pastër
Sigurimi i lidhjes me energji të përballueshme, të sigurt, të qëndrueshme dhe moderne për të gjithë.
OZHQ 8-Punë me dinjitetdhe rritje ekonomike
Nxitja e rritjes ekonomike të vazhdueshme, gjithëpërfshirëse dhe të qëndrueshme, punësim të plotë dhe produktiv dhe punë të denjë për të gjithë
OZHQ 9-Industri, inovacioni dhe infrastrukturë
Ndërtimi i infrastrukturave rezistuese, nxitja e industrializimit gjithëpërfshirës dhe të qëndrueshëm dhe nxitja e novacionit
OZHQ 10-Zvogëlim i pabarazive
Zvogëlimi i pabarazisë brendapërbrenda vendeve dhe mes tyre.
OZHQ 11-Qytete dhe komunitete të qëndrueshme
Kthimi i qyteteve dhe vendbanimeve gjithëpërfshirës, të sigurta, rezistuese ndaj rreziqeve dhe vështirësive, dhe të qëndrueshëm.
OZHQ 12-Prodhimi dhe konsumi i përgjegjshëm
Sigurimi i modeleve të qëndrueshme të konsumit dhe prodhimit.
OZHQ 13-Veprim për klimën
Ndërmarrja e veprimeve urgjente për të luftuar ndryshimet klimatike dhe ndikimet e saj
OZHQ 14- Jeta nën ujë
Ruajta dhe përdorimi i qëndrueshëm i oqeaneve, deteve dhe burimeve detare për zhvillim të qëndrueshëm.
OZHQ 15-Jeta në tokë
Mbrojtja, restaurimi dhe nxitja e përdorimit të qëndrueshëm të ekosistemeve tokësore, administrimi i qëndrueshëm i pyjeve, ndalimi i degradimit të tokës dhe ndalimi i humbjes së biodiversitetit.
OZHQ 16-Paqja, drejtësia dhe institucionet e fuqishme
Nxitja e shoqërive paqësore dhe gjithëpërfshirëse, ofrimi i mundësisë për drejtësi për të gjithë dhe ngritja e institucioneve të efektshme, llogaridhënëse dhe gjithëpërfshirëse në të gjitha nivelet.
OZHQ 17-Partneritet për objektivat
Fuqizimi i mënyrave të vënies në zbatim dhe rigjallërimi i partneritetit botëror për zhvillim të qëndrueshëm.
17 Objektivat për Zhvillim të Qëndrueshëm janë aprovuar përmes një rezolute në Kuvendin e Kosovës duke e bërë Kosovën pjesë të angazhimit global në sferat e Agjendës 2030.
Objektivat për Zhvillim të Qëndrueshëm iu përkasin të gjithëve. Ato kërkojnë angazhim individual, komunitar dhe institucional.
Secili prej nesh kemi një rol për të luajtur, për të arritur qëllime për një botë më përparimtare, të barabartë dhe të qëndrueshme.
Nuk ekziston një plan tjetër, dhe as planet tjetër!
