AAK: Smira do ta ketë vendin e merituar në komunën e Vitisë

Koalicioni AAK-LDD në një takim me elektoratin në Smirë, shpalosi pjesë të programit qeverisës dhe prezantoi kandidatin për kryetar të Vitisë, Hafir Hoxha si dhe kandidatët për këshilltarë komunalë. Njëri nga kandidatët e Smirës nga AAK për asambleist, Izeti Ramadani, tha se koalicioni AAK-LDD dhe dega PDK në Viti si koalicion për ndryshime në komunën e Vitisë, për qytetarët e Vitisë ka bërë ofertë me kandidatin e vet Hafir Hoxha, i cili sipas tij, do të shkatërroj korrupsionin, nepotizmin, papërgjegjësinë institucionale.

“Oferta e dytë është lista e kandidatëve për asamble komunale ku nga fshati Smirë janë dy: Izet Ramadani dhe Fatime Bekteshi.  Ne zotohemi se me kryetarin Hafir Hoxha fshatin Smirë do ta ngrisim në vendin që e meriton në komunën e Vitisë. Ky fshat me afro 4500 banorë,  është fshati i dytë në komunë për nga numri i banorëve dhe radhitet në vendin e tretë për nga niveli I pagesës së tatimit npronë,  kurse për nga përfitimet që merr nga ky fond radhitet  shumë më poshtë. Smira nuk ka ujësjellës, kanalizimi po ndërtohet në fushatë zgjedhore dhe nuk dihet kur përfundon, përfaqësimi i Smirës në institucione lokale është shumë i vogël , në postet politike është i papërfillshëm, Smira duhet të kërkojë alternative dhe të votojë në interest ë qytetarëve, e jo të klaneve dhe individëve të caktuar”, tha Ramadani.  

Kandidati i koalicionit AAK-LDD për të parin e Vitisë, Hafir Hoxha, tha se Smira është një vend ku njeriu ka dëshirë të jetojë dhe është një vend ku  mendon dhe ka dëshirë me u zhvillu dhe me u  tërheqë Vitia këndej.

 “Në konceptin tonë kemi ofertë, strategji, planprogram që t`ja kthejmë dinjitenin Vitisë dhe qeverisë komunale. Unë do të bëjë ndryshime dhe në momentin kur të marrim qeverisjen përgjegjësitë dhe detyrat do t`i ndajë me ju. Kërkoj që t`jemi vigjilent dhe të kemi kujdes në momentin e votimit. Ne duhet të krijojmë vende të reja të punës në familje, pra të stimulojmë biznese familjare, të punojmë që të ketë kushte të mira në shkolla, të kemi infrastrukturë funksionale, në bujqësi do të bëjmë subvencionimin e bujqve, në shëndetësi do të ofrojmë shërbime më të mira, në urbanizëm do të angazhojmë ekspertë që të ndërtohen zona industriale në mënyrë që të ruhet toka e bukës nga ndërtimet, do t`i përmirësojmë kushtet për rini, do të kemi kujdes të veçantë edhe për kategoritë e dala nga lufta, por do t`ë krijojmë kontakte edhe me mërgatën tonë në mënyrë që t`ju krijojmë kushte për investime këtu”, ka thënë ndër të tjerash, Hoxha.

E, lideri i Aleancës për Ardhmërinë e Kosovës (AAK), Ramush Haradinaj,  ka thënë se këtij subjekti politik po i vjen dita e vet, për të marrë qeverisjen dhe për të kryer punët që i ka në programin e saj.

“Tani jemi  të lirë dhe jemi bërë shtet.  Por cili është interesi jonë më i madh? Për më shumë se kaq, sot kemi nevojë për qeverisje të mire, pra sistemi.  Dhe sa më e mirë të jetë qeverisja aq më e mirë do të jetë jeta jonë. Pra, përveq se kemi nevojë për infrastrukturë, për shkolla, kanalizim, ujësjellës. rrugë e objekte tjera, kemi nevojë  edhe për një vend pune, por kemi nevojë edhe t`i drejtohemi institucioneve kur kemi ndonjë telashe. Ne kemi bërë përpjekje me dhanë këtë qeverisje të mire dhe tani jemi në rrugë të mire”, ka thënë Haradinaj.