Pas Agimit vrapon edhe Top Channel

Nuk pushon interesimi i mediave për rekordmenin e shumëfishtë të botës në zhonglim me top, Agim Agushi, nga Smira. Pas është vënë edhe televizioni prestigjoz i Shqipërisë, Top Channel. Ky medium, ka bërë një tregim për të, por akoma nuk dihet se kur do ta transmetojë. Sidoqoftë, ne do t`ju informojmë me kohë në mënyrë që ta përcjellim yllin tonë.

Agimi u gjend në qendër të vëmendjes të mediave këtyre ditëve. Ai të ishte mysafir në Shoë-Programin e fundit televiziv të Besim Dinës, “Oxygen” në KTV, pastaj në Klan të Shqipërisë kurse, rekordmenit botëror nga Smira, i ka kushtuar një artikull edhe gazeta “Shekulli”, me titull “Matematicienti, zhongler i topit me kokë”.

Sportisti e aktivisti i dalluar, Agim Agushi, siç dihet tashmë, është pronar i disa rekordeve botërore në zhonglim me top futbolli. Mirëpo, ai nuk pushon dot.

Kohët e fundit është duke punuar në realizimin e një spoti televiziv, në bashkëpunim me Radio Televizionin e Kosovës.

Ai aktualisht është në Zvicër për disa xhirime.