Aksident me të lënduar në Smirë

Tre veta nga fshati Smirë, kanë pësuar lëndime trupore, në një aksident, të dielën në Smirë. Sipas dëshmitarëve të rastit, aksidenti ka ndodhur rreth mesditës, tek varrezat e fshatit, kur vetura BMW me ngjyrë të zezë, me targa vendore, duke lëvizur nga qendra e fshatit në drejtim të Drobeshit,

është ndeshur me një Mercedes të bardhë 190, poashtu me targa vendore, që po qarkullonte drejt qendrës. Të lënduarit janë trajtuar në Qendrën e Mjekësisë Familjare në Viti. Nuk është raportuar për gjendjen e tyre shëndetësore, por ata janë jashtë rrezikut.  Nuk është publikuar as identiteti i të lënduarve. Policia është duke punuar në lidhje me këtë rast.

Ky është aksidenti i dytë për një kohë të shkurtër me të lënduar në Smië. Para dy javësh vogëlushi 6 vjeç, Rr. Azizi, pësoi lëndime trupore kur u godit nga një makinë, tek po truponte rrugën,  para shtëpisë së vet.