Kanë nisur sot punimet për asfaltimin e rrugës “Shaban Azemi në Smirë. Banorët u shprehën se ky investim i Komunës së Vitisë është shumë i rëndësishëm, pasi sipas tyre, ajo deri me tani ka qenë e pakalueshme dhe ata janë detyruar të shfrytëzojnë një rrugë tjetër.
Kryetari Haliti ndër tjerash potencoi se komuna mbetet e përkushtuar të krijojë lëvizjen e lirë të gjithë qytetarëve pa dallime. “Jemi të përkushtuar të realizojmë projekte që prekin interesin e të gjithë qytetarëve pa dallime. Ky projekt që po realizohet sot jo vetëm që siguron lëvizjen e lirë të këtyre banorëve por mundëson edhe lidhjen e tyre me rrugën e re bujqësore Smirë-Drobesh”, u shpreh Haliti.
