Smira dhe në përgjithësi Komuna e Vitisë mbetën pa një intelektual të shquar dhe pa një njeri të mirë.
Me nderime të larta institucionale dhe shoqërore, sot iu dha lamtumira e fundit Zejnulla (Ismet) Halilit, i cili nuk arriti t’i mbijetojë sëmundjes, duke ndërruar jetë në moshën 62 vjeçare.
Personaliteti, puna dhe veprimtaria e tij, u lavdëruan nga pjesëmarrësit në ceremoninë e varrimit.
“Për Zenën ka shumëçka të flitet, por është momenti të mos e zgjasim, ngase si individ dhe personalitet ka lënë gjurmë të pashlyeshme, të cilat do të mbesin edhe pas vdekjes së tij. Ai ishte një njeri i sinqertë, i drejtë, real, atdhetar, i përgjgjshëm, punëtoe principel dhe shok i mirë. Këto virtyte të tij ia vërteton vet pjesëmarrja juaj kaq masive. Prandaj Zena me këto virtyte që i përmenda do të lavdërohet nga Zoti dhe kombi. Në emër të institucioneve komunale dhe në emër të kryetarit të Komunë së Vitisë, Sokol Haliti, i cili është prezent këtu, ju shprehim ngushëllimet më të sinqerta”, tha Qahil Sinani në emër të institucioneve komunale.
Zejnulla Halilin vdekja e gjeti në detyrën e sekretarit në Gjimnazin “Kuvendi i Lezhës” në Viti, ku kishte nisur punën, një vit më herët, më 1981 fillimisht si profesor i lëndëve juridike.
Vitet ’90-ta kanë qenë periudha me e veshtirë e punës dhe jetës së tij, sepse punën e sekretarit e ka kryer edhe ne këtë kohë, kur shkollat dhe institucionet ishin mbyllur nga regjimi i atëhershëm i Sllobodan Millosheviqit. Ai ka mbajtur në shtëpi vulën e shkollës por edhe dokumente te rëndësishme zyrtare, duke bartur përgjegjësi dhe rrezik mbi vete.
Zejnulla Halili do të kujtohet si familjar i devotshëm, fqinj i mirë, njeri punëtor, principiel, i drejtë, i sinqertë dhe i përgjegjshëm.
