Milot Salihu duke pozuar para posterit të gjyshit të tij nga Smira, Xhavit Salihu në Lozanë të Zvicrës, si pjesë e shënimit të përvjetorit e 30-të të themelimit të Bibliotekës Publike Globelivres në Renens.
Xhaviti është përzgjedhur ndër lexuesit e rregullt më të mirë në gjuhën shqipe dhe është vendosur në posterin e bibliotekës ku janë përfshirë edhe lexues që lexojnë në gjuhë tjera të huaja.
Kjo është edhe njëlloj fushate për promovimin e multikulturalizmit dhe multietnicitetit në këtë pjesë të Zvicrës.
Posteri do të qëndrojë për dy javë në qendër të Renens të Lozanës.
