Fshati Smirë

Ramiz (Xhevat) Ramadani nga fshati Smirë është adhurues i flaktë i natyrës. Ai sidomos i ka shumë merak  pemët. Këtë pasion e ka zhvilluar që nga fëmijëria, qe gati 25 vjet. Dhe tashti është bërë mjeshtër i kësaj pune.

"Dajallarët e mi në Debellde kanë qenë merakli të mëdhenjë të pemëve. Tek ta kam filluar të bëhem merak edhe unë. I punoja me ta pemët, i shartonim, i krasitnim dhe kështu fillova edhe unë të merrem me këtë punë. Por, kam mësuar  edhe nga  Biologjia nga shkolla fillore, si bëhet shartimi i pemëve. Mandej jam mmë vonë, jam mësuar më mirë se dajallarët e mi", thotë Ramizi.

Ai, në pronën e tij, pranë kroit të fshatit, nuk ka lloj të pemëve që nuk e ka. "Kam  rrush, pjeshka, dardha, molla, thana, lajthia, arra, malina,manaferra, mushmulla, ftonj, man, qershia, vishnje, etj. Nuk kam ndonjë pemë që e dalloj. I dua krejt llojet. I kam diku rreth 400 trupa. Gjysma prej tyre janë të egra, i kam marrë në mal, pastaj i kam shartuar vet, kurse gjysmën tjetër i kam blerë. Këtë punë e njoh mirë dhe e kam merak. Bile ka raste kur në një trup i shartoj edhe deri 15 lloje përkatëse. Kam merak t`i kombinoj. Psh. në një mollë, i shartoj 5-6 lloje të mollave, të cilat i marr nëpër njerëz në fshat, kush ka pemë të mira", tregon Ramizi.

Por, Ramizi, nuk kujdeset vetëm për pemët e veta. Ai punon edhe tek njerëzit e tjerë që kanë pemë.  "Për çdo vit nga tre muaj jam i zënë, duke krasitur dhe duke shartuar pemë, natyrisht me pagesë. Më thërrasin edhe në Smirë, por edhe në fshatra tjera që kanë plantacione. Më ka  ndodhur të më thërrasin edhe ekspertë të bujqësisë për këtë", tregon ai.

Ditën kur e vizituam ishte duke pastruar barin në parcelën ku ka të mbjellura edhe mbi 3000 rrënjë dredhëza.
"Qe katër vite i kam mbjellë. Vendi ka qenë i papërshtatshëm, por unë kam punuar gati tre muaj derisa e kam bërë gati. I kam marrë nëpër disa vende: në Debelldeh, Goshicë, Vërban, Viti, në Ferizaj etj. Ka disa lloje. Dua t`i provoj cilat janë më të suksesshme. I kam mbjellë vetëm për qef, për fëmijët tanë, të lagjes, por edhe të miqve dhe dashamirëve. Planifikoj që të shtoj edhe nja 2000 rrënjë dredhëza. Deri tani kanë qenë mirë. 

Sidomos kanë pasur shumë në vitin e dytë. Bëhen të shijshme dhe të mëdha. Nuk më janë dëmtuar nga sëmundjet apo brejtësit. Unë nuk  përdori  pesticide, janë krejt natyrale, as pleh mineral nuk përdori, vetëm pleh natyral ", thotë ai.

Ramizi  e ka ëndërr të krijojë një plantacion të madh, disahektarësh me pemë, por thotë se aktualisht nuk ka mundësi, sepse për këtë duhen shumë mjete financiare.  Sido që të jetë, ai pa pemë nuk mund ta paramendojë jetën, vazhdon pasionin e zjarrtë-t`i "ledhatojë" pemët.